2009/10/23
Nola posizionatu irudiak Google-en
Google oso azkarra dela, oso argi daukagu. Dena dena, beti izan ditu arazoak irudiak eta bideoekin. Lan horretan laguntzeko, ALT atributua erabili beharko genuke:
... alt="..." /> (En una etiqueta de tipo IMG)
Modu horretan irudiaren testu alternatiboa idatz dezakegu. Google-ek ezin duenez irudia irakurri, dagokion testua irakurri eta sailkatuko du. Era horretan, behar duen informazioa lortuko du. Logikoa denez, sartzen dugun informazioa irudiarekin bat egin behar du, eta gako-hitzak erabiltzea ere komenigarria litzateke.
TITLE atributua oso antzekoa da, baina beste era batean erabiltzen da. W3C-ek esaten duenez, "alt" ezin diren ikusi argazkien testu alternatiboa sartzeko erabiltzen da, eta "title" atributuak laguntza-testua erakusten du, argazkiaren gainetik pasatzean.
Google-ek, informazioa lortzeko orduan "alt" atributua baino ez du begiratzen, baina hala ere ez dago arazorik "title" ere jarri nahi badugu gure web-orrian.
Dena den, irudiak posizionatzeko orduan aintzat hartu behar da:
- Irudiaren izena logikoa izan da, eta beharrezkoa bada "-" ere erabil daiteke
- Irudiaren gertu dagoen testua ondo zaindu, zeren bilatzaileak irudiarekin daukala lotura pentsatzen baitu
Komenigarria izan daiteke argazkiak, gure web-orrian ez ezik, beste leku batzuetan jartzea: Picasa, Flickr, eta abar.
Gainera, gure argazkian "marrazten" badugu gure web-orriaren helbidea, agian trafikoa gehituko dugu.
2009/09/23
Etiketak: H1, H2, strong, b. Web posizionamendua
TITLE - Nabigatzailean agerten den testua
META etiketak - beste post batean jorratutakoak
H1../H1 - testuaren titulua. Ez nahastu nabigatzailearen tituluarekin (TITLE)
H2..H2
H3..H3 ... bigarren eta hirugarren mailako tituluak...
STRONG..STRONG edo B../B". Letra lodiz jartzeko. Hobe lehenengoa erabiltzea.
Web posizionamendua ona izateko, erabili ahal duzun neurrian esandako etiketak, zeren posizionamendua askoz hobea izango baita. Gako-hitzak ere erabili behar dira maiz dokumentuan zehar. Interneten badago hainbat programa orri baten dentsitatea kalkulatzeko, eta beste egun batean horretaz mintzatuko gara, baina %5 dentsitate ona izan daiteke. Kontuz ibili gai horrekin, zeren Google edo beste bilatzaile batek dentsitate handiegia aurkitzen badu, trikimaluak egiten ari garela pentsa dezake, eta gure puntuazioa murriztuko da.
Dena den, ez ahaztu idatzitakoa pertsonentzat izango dela. Ez du ezertarako balio web posizionamendua ona izatea, eta Google-en lehenengo postuetan agertzea, gero gure edukiak onak ez badira, zeren bisitariak gurera etorriko baitira, baina etorri diren moduan joango dira, eta agian ez dira itzuliko. Batzuetan hobe da web posizionamendua bigarren plano batean uztea, orriaren itxura, pertsonen aldetik, hobetzeko.
2009/09/17
Gako-hitzak eta web posizionamendua
Hortaz, Nola aukeratu behar da gako-hitza sorta?
Ba, hasteko esan behar dela tresna erabilgarri batzuk badaudela. Beste egun batzuetan ikusiko dugu zer dagoen, baina ondorio moduan Google Adworks Keyword Tool onenetako bat dela esan dezakegu. Tresna honen bitartez, sartutako gako-hitzak zenbat aldiz bilatu den (Google) ikus dezakegu, eta baita erlazionatuta egon daitezkeen hitzak ere. Web posizionamendua ondo landu nahi badugu, tresna ezinbestekoa da.
Hori bai, euskaraz landu nahi badugu hitza-gakoa, jai daukagu, zeren normalean mota hauetako tresnak ez baitute ezer ematen. Tamalgarria, baina hori da gure egoera...
2009/09/10
Nola lantzen da web posizionamendua?
- "On-page", edo web-orriaren barruko optimizazioa
- "Off-page", edo web-orriaren kanpoko estekak lortzea
Lehenengoa, hau da, gure tituluak, testuak, eta abar optimizatzean datza, hitz-gakoei begira, web posizionamendua ona izatea lortzeko. Batez ere, hainbat gauza begiratu behar dugu:
- TITLE etiketa. Oso interesagarria da web posizionamendua-ren aldetik titulu ona izatea. Nabigatzailearen lehenengo lerroan agertuko da, eta bilatzaileek garrantzi handia ematen diote hor esaten denari. Beraz, saiatu behar dugu aukeratutako gako-hitzei hor agertzea.
- META description etiketa. Google bilatzailean, dirudienez, ez da aintzat hartzen puntuazioa lortzeko, baina era berean, bilaketa bat egiten dugunean web-orriaren bakoitzako agertzen diren lerroak META horretan agertzen diren deskripziokoak dira. Beraz, ez ahaztu web posizionamendua ez da bilatzailea baino ikusten duena, baizik eta erabiltzaileak, azken finean fidelizatu nahi duguna, informazioa erraz aurkitu behar duela.
- META keywords etiketa. Etiketa honetan orriaren hitz-gakoak jartzen dira, eta hainbat bilatzaile aintzat hartzen dute orria sailkatzeko orduan.
Testuaren barruan, nahiko inportantea da gure hitz-gakoak agertzea, eta batzuetan STRONG edota BOLD (B) erabiltzea.
2009/09/03
Interneteko jarduerak eta web posizionamendua
Interneteko erabiltzaileen arabera, horrela erabiltzen da sarea:
- Bilatzaileak %81,2
- Posta elektronikoa %79,3
- Berriak ikusteko %70,6
- Bat-bateko mezularitza %57,7
- Musikaren deskarga %50,0
- Ikasketarako laguntza %49,6
- Software-ko deskarga %48,5
- Beste fitxategien deskarga %46,1
- Administrazio Publikoen orrien bisitak %43,1
- Bideoen deskargak %42,0
- Banku-kontsultak %37,8
- Udaletxeen orrien bisitak %36,6
- Foroak %36,0
-Txatak %34,5
Web posizionamendua-ren aldetik, oso datu interesgarria da bilatzaileak lehenengo postuan agertzea. Izan ere, erabiltzaile gehienek bilatzaileak erabiltzen dituztela argi eta garbi ikusten da. Honek erakusten digu edozein motatako zerbitzua, enpresa, produktua, eta abar, bilatzaileen bitartez bilatu eta aurkitzen dela.
Beraz, gure orrirako web posizionamendua ona izatea lortzen badugu, hau da, lehenengo postuetan agertzea bilaketa konkretu baterako, bisita gehiago izango dugu gure orrian, trafiko gehiago, eta horiek dira azken finean behar diren baldintzak arrakastaren bidean egoteko.
Jatorria: ONTSI
2009/08/25
Bilatzaileak eta web posizionamendua
Dena den, esandakoa jakin eta gero, argi dago Google aintzat hartu behar dugula gure orria optimizatzeko orduan. Hurrengo postetan horretaz mintzatuko gara, baina argi izan behar dugu web posizionamendua ona izateko ideia orokorrak badaudela, eta horiek ondo ezarrita bilatzaile guztietan ondo posizionatuta egongo garela, nahiz eta ezberdintasunak egon.
2009/08/13
Web posizionamendua. Oinarriak.
Zer da web posizionamendua?
Egun, milaka orri aurki daitezke Interneten, eta denak sailkatuta eta kontrolatuta edukitzea guztiz ezinezkoa. Horren aurrean, erabiltzailea galduta aurkitzen da batzuetan, eta dagoen informazioak gainezka egiten dio.
Egoera horri aurre egiteko, gero eta gehiago erabiltzen dira bilatzaileak. Gure artean, Google da ospetsuena. Bere funtzionamendua, berez, oso sinplea da, nahiz eta atzetik oso konplexua izan. Erabiltzeak hitz bat edo batzuk idazten ditu, eta idatzitakoarekin lotura zuzena dauzkaten web orriak agertzen dira, garrantziak sailkatuta.
Horrela, askoz errazagoa da Interneten bilatu nahi duguna aurkitzea, batez ere orriaren helbide ezagutzen ez dugunean. Adibidez:
Demagun dentista baten bila gabiltzala, eta ez dugu inor ezagutzen, beraz gure herrian daudenak jakin nahi ditugu. Horretarako, bilatzailean "dentistak Bilbon" sartuko dugu. Unetxo bat geroago, bilatzaileak gehien egokitzen diren emaitzak erakusten digu.
Hantxe ikus dezakegu gai horri buruzko orriak. Milaka egon daitezke, baina benetan arreta bereganatuko dituztenak lehenengo postuetan agertzen direnak izango dira. Hain zuzen ere, hori da web posizionamendua, gure web orria hobetzea lehenengo postu interesgarri horietan agertzeko, eta horri esker bezero gehiago lortzeko.
Horretarako, hainbat teknika, tresna, eta abar erabiltzen dira. Orri honetan, apurka-apurka web posizionamendua ezin hobea edukitzeko egin ahal diren eta egin behar ez diren gauzak ikasiko ditugu.